अस्पतालकाे शैप्याबाट गंगामायाले भनिन्ः अब देखि अनशन तोडाउन नआउनुस् !

काठमाडौ , २५ असार – गंगामाया अधिकारीले अनसन तोड्न अस्वीकार गरेकी छन् ।

कृष्णप्रसाद अधिकारीको हत्या अभियोग लागेका छविलाल पौडेलले सर्वोच्च अदालतसामू आत्मसमर्पण गरेपछि सरकारी अधिकारीहरु गंगामायालाई भेट्न वीर अस्पताल पुगेका थिए । उनीहरुले अनशन तोड्न आग्रह गरेका छन् ।

तर, गंगामायाले सरकारको आग्रह अस्वीकार गरेकी छन् । छविलाललाई पक्राउ गरेकोमा धन्यवाद दिएकी उनले गोली हान्ने रुद्र आचार्य कहाँ छ भन्ने प्रश्न गरेकी छन् ।

‘पहिला हत्यामा संलग्न सबैलाई कारबाही होस्, म स्वतः अनशन तोड्छु ।’ उनले भनिन्, ‘अब देखि यसरी अनशन तोडाउने भन्दै नआउनु ।’ सरकारले आफ्नो श्रीमानलार्इ समेत मारेको उनले आरोप लगाइन् ।

कानुन सचिव राजिव गौतम, गृह सहसचिव, प्रमुख जिल्ला अधिकारी समेत टोलिमा थिए । सरकारको टोलीले भने अपराधीलाई कारवाही हुने आश्वासन दिँदै अनशन तोड्न आग्रह गरेको थियो ।

भेटमा उपस्थित मानवअधिकारकर्मी सुवोध प्याकुरेलले भने, ‘उहाँले अनशन तोड्न मान्नुभएन ।’

मानवअधिकारकर्मीहरुले गंगामायाका अरु माग पुरा गर्ने लिखित प्रतिवद्धता जनाए अनशन तोड्न पहल गर्ने बताएका थिए । तर, सरकारी टोलीले लिखित सम्झौताको म्याण्डेट नलिई आएकाले सम्भव नभएको एक अधिकारीले बताए ।

सोमवार, असार २५, २०७५ मा प्रकाशित

यसमा तपाइको मत

Loading...

अन्य समाचार