यसरी गरे पौडेलले अदालतमा आत्मसमर्पण

काठमाडौं –गोरखा फुजेलका नन्दप्रसाद अधिकारी र गंगामाया अधिकारीकी छोराको हत्यामा संलग्न भनिएका छविलाल पौडेलले सर्वोच्च अदालतमा आत्मसमर्पण गरेका छन् । गोरखाका कृष्णप्रसाद अधिकारीको हत्यामा संलग्न पौडेलले आईतबार आत्मसर्मण गरेको सर्वोच्च अदालत स्रोतले जनाएको छ ।

६८ बर्षीय छविलाललाई अदालतको आदेशले डिल्लीबजार कारागारमा थुनामा पठाइएको छ । २०६२ सालमा तत्कालिन जनमिलिसिया चितवनको आदेशले रत्ननगर नगरपालिकास्थित जयमंगलबाट अपहरण गरेर अधिकारीलाई माओवादीले हत्या गरेको थियो । यद्यपि, चितवन माओवादी पार्टीको निर्देशनमा सुराकी गरेको आरोपमा उनको सफाया गरेको स्पष्टीकरण दिएको थियो ।

अदालतले कृष्णप्रसादको हत्यामा छविलाललाई दोषी ठहर गरेपछि तत्कालीन माओवादीले विरोध गर्दै आएको थियो । उनलाई सर्वोच्चले २०७२ पुस ६ गते पुर्पक्षका लागि थुनामा राख्न आदेश दिएको थियो ।

त्यसअघि उनलाई चितवन जिल्ला अदालतले ४ वैशाख २०७१ धरौटीमा छाडेको थियो । तर, पुनरावेदन अदालतले त्यसलाई सदर गरेलगत्तै सर्वोच्चले उक्त आदेशलाई बदर गरेको थियो ।

आइतवार, असार २४, २०७५ मा प्रकाशित

यसमा तपाइको मत

Loading...

अन्य समाचार