चुनावमा पत्तासाफ भएपछि कमल थापाले रचे नेपाली जनतालाई उल्लू बनाउने अर्को नाटक

काठमाडौँ, २ साउन । राष्ट्रिय प्रजातन्त्र पार्टीले हिन्दु राष्ट्र पुनर्स्थापना अभियान सुरु गरेको छ। पार्टीले बुधबार काठमाडौँमा आयोजित एक समारोहका बिच शंख फुकेर र स्वस्ती बाचन गरेर हिन्दु राष्ट्र पुनस्र्थापना अभियान सुरु भएको घोषणा गरेको हो। अभियानलाई सम्बोधन गर्दै राप्रपा अध्यक्ष कमल थापाले हिन्दु राष्ट्र घोषणा नभएसम्म अभियान जारी रहने बताए ।

उनले ६२ र ६३ सालको परिवर्तनपछि विदेशीको दबाव र प्रभावमा नेपालमा धर्म निरेपक्षता लादिएको बताउदै नेपालको पहिचान, एकता र अस्तीत्व जोगाउन हिन्दु राष्ट्र पुर्नस्थापना अभियान थालिएको बताए। उनले भने ‘जनताको कुनै अभिमत नलिएरै विदेशीलाई खुसी पार्न नेपालमा धर्मनिरेपक्षता लादियो अब जनसंघर्ष मार्फत पुनः नेपाललाई हिन्दु राष्ट्र बनाउछौ ।’ उनले फागुन ७ गतेसम्म देशव्यापी अभियान अन्तर्गत ७ सय ५३ ओटै स्थानीय तहमा अभियान चलाउने र माघ ७ गतेपछि जनसंघर्षका कार्यक्रम ल्याउने बताए ।

उनले सहमतीमै हिन्दु राष्ट्र घोषणा गर्न सरकारलाई आग्रह गर्दै अन्यथा आन्दोलन मार्फत घोषणा गराउने चेतावनी दिए । ‘हामी सरकारलाई सहमतीकै आधारमा हिन्दु राष्ट्र कायम भएको घोषणा गराउन माग गरिरहेका छौ, यदि त्यसो भएन भने सडक संघर्षबाट घोषणा गर्न बाध्य हुनेछौ हाम्रो यो माग सरकारले कान खोलेर सुनोस’ थापाले भने ।

थापाले नेपाललाई हिन्दु राष्ट्र कायम गराउने अभियान राप्रपाको मात्र नभई साझा एजेन्डाका रुपमा अगाडी बढाउन चाहेको बताए। ‘नेपालमा धर्म परिवर्तन यहि गतिमा भईरहे ओमकार परिवार अल्पमतमा पर्ने दिन आउन धेरै समय लाग्‍नेछैन त्यसैले म सबै ओमकार परिवारलाई यो अभियानमा सरिक हुन आग्रह गर्छु, थापाले भने।

बुधबार, साउन २, २०७५ मा प्रकाशित

यसमा तपाइको मत

Loading...

अन्य समाचार