एमालेबाट मन्त्री बन्नेहरुको सुची, ईश्वर पोखरेल उपप्रधानमन्त्री-अरु कोको ?

काठमाडौं, २ फागुन । नेकपा एमालेका अध्यक्ष केपी शर्मा ओलीले वाम गठबन्धनको नेतृत्वमा बन्ने सरकारको नेतृत्व गर्ने करिब करिब निश्चित भैसकेको छ । सम्भवत् वाम गठबन्धनले ओलीलाई प्रधानमन्त्री बनाउनेगरि आज वा भोलि नै दाबी प्रस्तुत गर्ने बुझिएको छ।

ओली प्रधानमन्त्री बन्ने तयारीमा जुटेसँगै उनी नेतृत्वको मन्त्रिमण्डलमा सवार हुन एमालेका दर्जनौं नेताहरु पार्टीभित्रको शक्तिकेन्द्र धाईरहेका छन् । तर ओली भने मन्त्रीहरु कसलाई बनाउने भन्नेबारे आफूसमक्ष आईपुगेको नामको सुचीमा आधारित रहेर काँटछाँटमा व्यस्त छन् ।

एमाले निकट उच्च स्रोतले दिएको जानकारी अनुसार प्रदेश नम्बर १ बाट मन्त्रि बन्न अहिले थुप्रैको नाम चर्चामा रहेको छ । सो अनुसार सचिव समेत रहेका नेता योगेश भट्टराई र पोलिटव्यूरो सदस्य लालबाबु पण्डितको नाम चर्चामा छ । त्यस्तै, मन्त्रीकै लागि ओलीका निकट मानिने नेता भानुभक्त ढकालको पनि नाम चर्चामा छ ।

राज्यमन्त्रीमा यज्ञराज सुनुवार र पवित्राको पनि नाम अग्रपँक्तिमा छ । यता २ नम्बर प्रदेशबाट भने नेता रघुवीर महासेठको मात्रै नाम चर्चामा छ । उनी पनि ओली निकट नेताको रुपमा परिचित छन् ।

त्यस्तै ३ नम्बर प्रदेशबाट महासचिव ईश्वर पोखरेल उपप्रधानमन्त्रीसहित महत्वपूर्ण मन्त्रालय सम्हाल्नेगरि जाने तयारीमा छन् ।

त्यस्तै सुरेन्द्र पाण्डे, पार्वत गुरुङको पनि नाम चर्चामा नै छ । यता ४ नम्बर प्रदेशबाट नेताहरु खगराज अधिकारी, महिला सांसद पद्मा अर्याल, रविन्द्र अधिकारीको नाम चर्चामा छ ।

५ नम्बर प्रदेशबाट उपमहासचिव विष्णुप्रसाद पौडेल, सचिव प्रदिप ज्ञवाली, नेता छविलाल विश्वकर्माको नाम चर्चामा छ ।

त्यस्तै ७ नम्बर प्रदेशबाट उपाध्यक्ष भीम रावल उपप्रधानमन्त्रीसहित महत्वपूर्ण मन्त्रालय सम्हाल्ने चाहनामा छन् । त्यस्तै अर्का सांसद प्रेम बहादुर आलेको पनि मन्त्री बन्ने सूचिमा छन् ।

आकस्मिक केन्द्रीय समिती बैठक सम्पन्न:

नेकपा एमाले स्थायी कमिटीको बैठक आकस्मिक बसेको छ । ललितपुरको मानभवनमा रहेको शारदा अधिकारीको घरमा कमिटीको आकस्मिक बैठक बसेको हो ।

बैठकमा एमाले र माओवादी केन्द्रबीच पार्टी एकीकरण गर्ने विषयमा भएको सहमतिलाई पार्टी बैठकबाट नै अनुमोदन गर्नको लागि आकस्मिक बैठक डाकिएको एमालेका एक नेताले बताए।

उनका अनुसार आज तीन बजे बस्ने पार्टी संयोजन समितिको बैठकअघि पार्टीबाट अनुमोदन गराउन बैठक बसेको छ।

स्रोतले भन्यो, ‘स्थायी कमिटीको बैठक बसेपछि संयोजन समितिको बैठक बस्छ र त्यस बैठकबाट पनि पार्टी एकीकरणको अनुमोदन हुनेछ। र केही दिनमा पार्टी एकीकरण हुनेछ।’

बुधबार, फाल्गुन २, २०७४ मा प्रकाशित

यसमा तपाइको मत

Loading...

अन्य समाचार