Loading...

आयोजक फिदिमलाइ हराउदै झापा फाल्गुनन्द गोल्डकपको फाइनलमा
  • पाथिभारा न्युज संबाददाता

    Thursday January 5, 2017 मा प्रकाशित


  • दिपक बोहोरा
    पाँचथर– आयोजक फिदिम स्पोर्टिङ क्लबलाई ६–० ले हराउँदै बिर्ता युनाइटेड क्लब झापा आठौं फाल्गुनन्द गोल्डकपको फाइनलमा पुगेको छ । फिदिम उच्च माबिको खेल मैदान बिहीबारको सेमिफाइनलमा अनुभवी खेलाडी सम्मिलित झापाले आयोजक फिदिमलाई पराजित गरेर अन्तिम दुईको यात्रा तय गरेको हो ।

    dsc_0778

    मेची नेत्रालय काँकरभिट्टा गोल्डकपको फाइनलमा पुगको झापा ११ कै अधिकांश टोली विर्ता युनाइटेड झापाबाट खेलिरहेका छन् । विर्ता युनाइटेडको जितमा विकेश लिम्बुले २ गोल, कर्ण लिम्बु, देवेन्द्र तामाङ, बुद्ध चेम्जोङ र योगेश गुरुङले समान १ गोल गरे ।
    खेलको तेस्रो मिनेटमा विकेशले गोल गरेका थिए । बुद्धको क्रसमा विकेशले गोल गरेका थिए । १३ औं मिनेटमा मिनेटका चर्चित स्टाइकर कर्णले गोल गर्दै झापाको अग्रता दोब्बर पारे । २७ औं मिनेटमा कर्नर एरियाबाट क्रस आएको बललाइ देबेन्द्रले हेड गोल गरे ।
    दोश्रो हाफको पहिलो मिनेटमा नै बिकेशले गोल गरे पछि आयोजक थप दबाबमा परेकोे थियो । ६६ औं मिनेटमा योगेश गुरुङले दिएको पासलाइ बुद्धले आयोजकका रक्षकहरुलाइ छल्दै गोल गरेका थिए । ६८ औ मिनेटमा झापाका योगेशले गोल गर्दा झापा ६–० ले बिजय हुन पुग्यो । योगेश खेलको म्यान अफ दी म्याच घोषित भए ।

    फाल्गुनन्द गोल्डकपमा शुक्रबारको खेल
    कर्ण सिं सोनाम स्मृति क्लब ताप्तेजुङ बिरुद्ध एलाभेन एरोज दुहबि सुनसरि
    फिदिम उच्च मा.बिको खेल मैदान
    दिनको २ बजे

    Loading...

    यसमा तपाइको मत

    अन्य समाचार